Modelja Kendall Jenner pozon për koleksionin e dytë Ultralight with Cashmere

Kendall Jenner është imazhi i fotosesionit të ri të Intimissimi për koleksionin “Ultralight with Cashmere”. Modelja shfaqet me të brendshme mëndafshi dhe veshje kashmiri, ndërsa vlerëson rehatinë dhe lehtësinë e kombinimit të koleksionit.

Kendall Jenner është bërë pjesë e një fotosesioni të ri të markës italiane Intimissimi, ku prezanton koleksionin e dytë “Ultralight with Cashmere”. Modelja shfaqet me të brendshme mëndafshi dhe veshje kashmiri në imazhet e fushatës.

Në njërën prej fotografive, Jenner heq një bluzë të gjelbër prej kashmiri, duke zbuluar reçipeta mëndafshi në ngjyrë fildishi. Në imazhe të tjera ajo pozon me pantallona të shkurtra jeshile të errëta, të zbukuruara me dantellë në pjesën e poshtme.

Për fotosesionin, modelja ka zgjedhur flokë të ndarë në mes dhe onde të lehta, ndërsa grimi i butë plotëson pamjen natyrale të fotografive.

Jenner ka thënë se koleksioni është bërë ndër të preferuarit në garderobën e saj, duke veçuar rehatinë dhe mundësinë për ta kombinuar lehtësisht me veshje të ndryshme.

Fushata e re vjen në një periudhë kur modelja është përmendur edhe në lidhje me romancën e përfolur me aktorin Jacob Elordi. Ajo vazhdon gjithashtu angazhimet në industrinë e modës: së fundmi mori pjesë në sfilatën e L’Oréal gjatë Javës së Modës në Paris.