Nga debutimi ndaj Espanyolit te 672 golat: Barcelona kujton Messin

Një paraqitje e parë që u kthye në kapitull historik për Barcelonën. Klubi publikoi pamjet e debutimit të Lionel Messit ndaj Espanyolit, më 16 tetor 2004. Në 778 ndeshje me fanellën katalanase, ai shënoi 672 gola dhe dha 303 asistime.

Barcelona ka rikthyer në vëmendje debutimin zyrtar të Lionel Messit me skuadrën e parë, në përvjetorin e paraqitjes së tij të parë me fanellën katalanase. Argjentinasi debutoi më 16 tetor 2004, në derbin ndaj Espanyolit.

Për këtë rast, klubi publikoi një video nga ndeshja e atëhershme dhe e shoqëroi me mesazhin: “Në këtë ditë, 22 vjet më parë, Leo Messi bëri debutimin zyrtar me Barçën. Pjesa tjetër është histori”.

Debutimi shënoi fillimin e një periudhe të jashtëzakonshme të Messit te Barcelona. Ai u bë një prej futbollistëve më të mëdhenj në historinë e klubit dhe shënoi gjithsej 672 gola në 778 paraqitje.

Messi regjistroi gjithashtu 303 asistime me fanellën e Barcelonës. Ai mbetet golashënuesi më i mirë në historinë e klubit.

Gjatë karrierës së tij me skuadrën katalanase, Messi fitoi trofe të shumtë, përfshirë dy tripleta, në vitet 2009 dhe 2015. Barcelona e kujtoi debutimin duke publikuar pamjet që shënuan nisjen e rrugëtimit të tij në ekipin e parë.