Policia gjen veturën e të dyshuarit për vrasjen në Pogragjë

Vetura e personit të dyshuar për vrasjen e 29-vjeçarit në Pogragjë është gjetur. Policia konfirmon se i dyshuari vazhdon të jetë në arrati.

Vetura e personit të dyshuar për vrasjen e një 29-vjeçari në fshatin Pogragjë të Gjilanit është gjetur, ka konfirmuar Policia e Kosovës.

Lajmin e bëri të ditur për Dukagjinin Ismet Hashani, zëdhënës i Policisë së Kosovës për rajonin e Gjilanit. I dyshuari, ndërkaq, vazhdon të jetë në arrati.

Vrasja ndodhi të dielën mbrëma në Pogragjë. Policia po kërkon personin që dyshohet se është i përfshirë në rast.

Gjetja e veturës përbën zhvillimin e fundit në hetimet për vrasjen e 29-vjeçarit. Ngjarja ka ndodhur në fshatin e komunës së Gjilanit, ndërsa i dyshuari ende nuk është kapur.