Pse klubi mori emrin “2 Korriku”? Rrëfimi i drejtorit Shaban Baholli

Si u zgjodh emri i klubit “2 Korriku”? Shaban Baholli kujton mbledhjen e viteve ’90, të mbajtur në oborrin e bashkësisë lokale, dhe arsyen që çoi te ky emër. Ai foli edhe për rrugëtimin e tij me klubin, që nisi si futbollist në vitin 1971.

Shaban Baholli, drejtor i përgjithshëm i klubit “2 Korriku”, ka rrëfyer për rrugëtimin e tij mbi pesëdekadësh me klubin dhe për mënyrën se si iu vendos emri në vitet ’90. Ai ishte i ftuar në episodin e fundit të podcastit “Arena e Yjeve”, ku foli për fillimet si futbollist në vitin 1971 dhe angazhimin e tij të mëvonshëm në drejtimin e klubit.

Baholli tregoi se mbledhja ku u diskutua ndryshimi i emrit u mbajt në oborrin e bashkësisë lokale, pasi pjesëmarrësit nuk u lejuan të hynin brenda. Sipas tij, aty u mblodhën përfaqësues të klubit dhe pjesëtarë të komunitetit.

Në mesin e të pranishmëve, Baholli përmendi Nysret Morinën, tashmë të ndjerë, dr. Bashkim Islamin, disa lojtarë të klubit, vëllain e tij Rexhep Bahollin dhe Baki Berishën, i cili ishte sekretar. Ai tha se edhe vetë ishte pjesë e grupit që mori pjesë në vendimin për ndryshimin e emrit.

Pse u zgjodh emri “2 Korriku”

Baholli kujtoi se fillimisht ishte vendosur që klubit t’i ndërrohej emri, ndërsa propozimi për “2 Korriku” u lidh me datën kur po mbahej mbledhja. “E kemi menduar emrin ‘2 Korriku’, pasi ishte data 26 korrik, pra pas 26 ditësh”, rrëfeu ai në podcast.

Në episod, Baholli foli gjithashtu për lidhjen e gjatë me klubin, që nisi me paraqitjet e tij si futbollist dhe vazhdon me përgjegjësitë drejtuese që mban sot. Podcasti “Arena e Yjeve” realizohet me mbështetjen e sponsorit zyrtar Exfis.