“Studenti kërkon drejtësi, pastaj mëshirë”: reagimi i Luiz Ejllit pas protestës

Luiz Ejlli reagoi pas përplasjeve gjatë protestës së studentëve në Tiranë, duke shprehur solidaritet me të lënduarit dhe familjet e tyre. Këngëtari tha se qytetarët nuk duhet të kenë frikë nga ata që paguhen për t’i mbrojtur.

Këngëtari Luiz Ejlli ka reaguar pas përplasjeve mes studentëve dhe policisë gjatë protestës së 13 tetorit në Tiranë, duke shprehur solidaritet me të rinjtë dhe personat e lënduar.

Në një postim në Instagram, Ejlli shkroi se mënyra si trajtohen qytetarët kur shprehin mospajtim tregon shumë për një shtet. “Populli nuk duhet të ketë frikë nga ata që paguhen për ta mbrojtur”, thuhet në mesazhin e tij.

Artisti u ndal edhe te kërkesat e studentëve për drejtësi, duke vënë në pah dhimbjen e të rinjve që kërkojnë të dëgjohen. “Nuk ka britmë më të dhimbshme se sa ajo e një studenti që kërkon drejtësi dhe përfundon duke kërkuar mëshirë”, shkroi ai.

Protesta e 13 tetorit u organizua lidhur me shqetësimet për kushtet në universitete dhe të ardhmen e të rinjve. Gjatë tubimit pati përplasje, u dëmtuan institucione dhe pati persona të lënduar.

Në fund të reagimit, Ejlli u shprehu mbështetje të lënduarve dhe familjeve të tyre. Ai uroi që të lënduarit të shërohen dhe që dhimbja e atyre që po vuajnë të mos harrohet.