Tender dyvjeçar në Gjakovë për festat e fundvitit

Komuna e Gjakovës ka hapur tender prej 100 mijë eurosh për organizimin e festave të fundvitit. Kontrata kornizë parashihet të zgjasë 24 muaj dhe fituesi do të zgjidhet sipas çmimit më të ulët.

Komuna e Gjakovës ka shpallur tender me vlerë të parashikuar prej 100 mijë eurosh për shërbimet që lidhen me organizimin e festave të fundvitit në territorin e komunës.

Sipas njoftimit për kontratë, prokurimi është paraparë të realizohet si kontratë publike kornizë me një operator ekonomik. Kohëzgjatja e kontratës është 24 muaj.

Shërbimet do të porositen sipas nevojave të autoritetit kontraktues, përmes thirrjeve dhe porosive. Kjo nënkupton se zbatimi i kontratës do të bëhet në përputhje me kërkesat që paraqiten gjatë periudhës së saj.

Komuna ka zgjedhur procedurën e hapur për këtë aktivitet prokurimi. Fituesi do të përcaktohet sipas kriterit të çmimit më të ulët.

Njoftimi kërkon edhe siguri të tenderit në vlerë prej 3 mijë eurosh. Operatorët ekonomikë që marrin pjesë duhet të plotësojnë kriteret e përcaktuara në dosjen e tenderit dhe të dëshmojnë se kanë kapacitetet e nevojshme për realizimin e kontratës.

Tenderi synon sigurimin e shërbimeve për festat e fundvitit në Gjakovë gjatë periudhës së paraparë të kontratës.